(UTV | கொழும்பு) –
தெலுங்கானா, மத்திய பிரதேசம், ராஜஸ்தான், சத்தீஸ்கர் ஆகிய 4 மாநிலங்களில் கடந்த 30 ஆம் திகதி வரை பல்வேறு கட்டங்களாக வாக்குப்பதிவு நடைபெற்றது. இன்று வாக்கு எண்ணிக்கை நடைபெறும் என அறிவிக்கப்பட்டது. அதற்கான ஏற்பாடுகள் கடந்த இரண்டு நாட்களாக செய்யப்பட்டது. இன்று காலை வாக்கு எண்ணிக்கை மையத்திற்கு வந்த வேட்பாளர்கள், கட்சி முகவர்கள் கடும் சோதனைக்குப்பின் உள்ளே அனுமதிக்கப்பட்டனர்.
இதை தொடர்ந்து காலை 8 மணிக்கு தபால் வாக்கு எண்ணும் பணி தொடங்கியது. அதன்பின் வாக்கு இயந்திரத்தில் பதிவான வாக்குகளை எண்ணும் பணி நடைபெற்று வருகிறது. அந்த வகையில், 1 மணி நிலவரப்படி பாஜக-53, காங்கிரஸ்- 36, மற்றவை-1 ஆகிய இடங்களில் முன்னிலை. இந்த தேர்தல் முடிவுகள் குறித்து ஷெஜாத் பூனவல்லா கூறுகையில், ‘இது மோடியின் மந்திரம், மக்கள் மோடியின் உத்தரவாதத்தை ஏற்று காங்கிரஸின் போலி உத்தரவாதத்தை நிராகரித்து விட்டனர் என்பது தெளிவாகிறது’ என்றார்.
அத்தோடு குறித்த தேர்தல் முடிவுகள் தொடர்பில் கர்நாடக முதலமைச்சர் சித்தராமையா கூறுகையில், “தெலுங்கானாவில் நாங்கள் முன்னிலையில் உள்ளோம். சத்தீஸ்கரில் மாறுபாடுகள் உள்ளன. சத்தீஸ்கர் மற்றும் தெலுங்கானாவில் நாங்கள் வெற்றி பெறுவோம் என்று கணக்கு இருந்தது. மத்தியப் பிரதேசத்தில் கடுமையான போட்டி இருக்கும் என்று நாங்கள் நினைத்தோம். முழுமையான முடிவு கிடைக்கவில்லை. காத்திருந்து பார்ப்போம்” என்றார்.
எங்கிருந்தாலும் உடனுக்குடன்
කොතැන සිටියත් ඔබ දැනුවත්