வறட்சியில் பாதிக்கப்பட்ட லக்சபான!  

இதன் காரணமாக மலையக பகுதிகளில் உள்ள அனைத்து நீர் தேக்கங்களின் நீர் மட்டம் வெகுவாக குறைந்துள்ளது.குறிப்பாக மவுசாகல, காசல்ரீ, மேல் கொத்மலை, கென்யோன், லக்சபான, பொல்பிட்டிய, நவலக்சபான, விமலசுரேந்திர, கலுகல ஆகிய நீர் மின் நிலைய பகுதியில் உள்ள அனைத்து நீர் தேக்கங்களின் நீர் மட்டம் வெகுவாக குறைந்துள்ளது.மேலும் பிரதான நீரை சேமித்து வைக்கும் மவுசாகல நீர் தேக்கத்தின் நீர் மட்டம் அதன் கொள்ளளவை விட 43 அடி குறைந்த நிலையில் உள்ளது என லக்க்ஷபான நீர் மின் நிலைய அதிகாரி ஒருவர் தெரிவித்தார்.

அவர் மேலும் கூறுகையில் கடந்த ஆண்டு முதல் இன்று வரை மிக குறைந்த அளவில் இப் பகுதியில் மழை பெய்தமையால் சொற்ப நீரையே சேமித்து வைக்க முடிந்தது.தொடர்ந்து மத்திய மலைநாட்டில் மழை பெய்யா விடின் மின் உற்பத்தி தடை படும் எனவும் நாட்டு மக்கள் மின்சார பாவனையை குறைக்கும் படி கேட்டுக் கொண்டார்.அத்துடன் மலையக பகுதிகளில் உள்ள பெருந்தோட்ட பகுதிகளில் சுத்தமான குடிநீர் பெற்று கொள்ள முடியாத நிலையில் உள்ளதாக பெருந்தோட்ட தொழிலாளர்கள் கவலை தெரிவிக்கின்றனர்.