(UTV | கொழும்பு) – கசினோக்களுக்கான ஒழுங்குமுறை அதிகார சபையின்றி அனுமதிப்பத்திரம் வழங்க முடியாது என ஐக்கிய மக்கள் சக்தியின் பாராளுமன்ற உறுப்பினர் கலாநிதி ஹர்ஷ டி சில்வா தெரிவித்துள்ளார்.
நேற்று(செப்.15) ஐக்கிய மக்கள் சக்தியின் பொருளாதார கொள்கை மையத்தினால் நடாத்தப்பட்ட ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே அவர் இதனைக் குறிப்பிட்டுள்ளார்.
ஒழுங்குமுறை அதிகாரசபையின்றி கசினோ நிலையங்களுக்கு அனுமதி வழங்கிய நாடு உலகில் இருந்தால் அது குறித்து அரசாங்கத்திற்கு சுட்டிக்காட்ட வேண்டும் எனவும் அவர் தெரிவித்திருந்தார்.
சூதாட்ட விடுதிகளுக்கு அனுமதிப்பத்திரம் வழங்குவதற்கு ஜனாதிபதி விரும்பினால், மக்களுடன் கலந்துரையாடலுக்கு வரவுள்ளதாக அவர் தெரிவித்துள்ளார்.
“சிங்கப்பூர் போன்ற நாடுகளில் சூதாட்ட விடுதிகள் உள்ளன. சிங்கப்பூர் கேசினோ ஒழுங்குமுறைச் சட்டத்தை நாங்கள் கவனமாகப் படித்தோம். அந்த மசோதா ஒரு வருடத்திற்கும் மேலாக விவாதிக்கப்பட்டது என்று நினைக்கிறேன்.
கேசினோ தொடர்பான பல கட்சிகள் வரி செலுத்துவதை நாம் பார்த்தோம்? இல்லை? அது ஒரு பெரிய பிரச்சினை. எனவே, மரத்தில் இருந்து பழம் வருவது போல் தோன்றினால், இதனைச் செய்ய வேண்டாம் என்று கூற விரும்புகின்றோம்” என ஹர்ஷ டி சில்வா தெரிவித்தார்.