(UTV | கொழும்பு) – மேல் மாகாணத்தில் பதிவு செய்யப்பட்ட வாகனங்களுக்கான வாகன வருமான அனுமதிப்பத்திரத்தை வாரத்தின் அனைத்து வேலை நாட்களிலும் வழங்க மேல் மாகாண பிரதம செயலகம் தீர்மானித்துள்ளது.
இதன்படி, மேல்மாகாணத்தில் பதிவு செய்யப்பட்ட வாகனங்களுக்கான வருமான அனுமதிப்பத்திரங்களை மாளிகாவத்தை மேல்மாகாண மோட்டார் வாகன திணைக்களத்தின் பிரதான அலுவலகத்திலிருந்தோ அல்லது மேல்மாகாணத்தில் உள்ள அனைத்து உப உள்ளூராட்சி செயலாளர்களிடமிருந்தோ வாரத்தின் எந்த வேலை நாளிலும் பெற்றுக்கொள்ள முடியும்.
மேலும், www.motortraffic.wp.gov.lk என்ற இணையத்தளத்திற்குச் செல்வதன் மூலம், மேல் மாகாணத்தில் பதிவுசெய்யப்பட்ட வாகனங்களுக்கான வாகன வருமான அனுமதிப்பத்திரங்களை வீதி அமைப்பின் ஊடாக பெற்றுக்கொள்ள முடியும் என அலுவலகம் தெரிவித்துள்ளது.
மேலும், கடந்த ஜூன் (29) முதல் காலாவதியாகும் மேல் மாகாணத்தில் பதிவு செய்யப்பட்ட வாகனங்களுக்கு 2022 ஆகஸ்ட் (31) வரை வாகன வருவாய் உரிமம் வழங்குவதற்கு அபராதம் வசூலிக்கப்படாது என்று அலுவலகம் வெளியிட்டுள்ள அறிக்கையில் மேலும் தெரிவிக்கப்பட்டுள்ளது.