(UTV | கொழும்பு) – அரசியல் உலகில் அதிகம் காணப்படுவது அரசியல் அதிகாரத்தை கைப்பற்றும் முயற்சிகள் எனவும், அதிகாரத்தையும் பதவிகளையும் துறப்பது மிகவும் அரிதானது எனவும் ஸ்ரீலங்கா பொதுஜன முன்னணி தெரிவித்துள்ளது.
ஜனாதிபதி கோட்டாபய ராஜபக்சவின் பதவி விலகல் தொடர்பான அறிவிப்பை வெளியிடும் போதே ஸ்ரீலங்கா பொதுஜன முன்னணி இதனைத் தெரிவித்துள்ளது.
அரசியல் அதிகாரத்தை கைவிடுவது எல்லாவற்றையும் விட ஆபத்தானது என ஸ்ரீலங்கா பொதுஜன முன்னணி சுட்டிக்காட்டியுள்ளது.
“நாட்டின் வரலாற்றில், எந்தவொரு நிறைவேற்று ஜனாதிபதியும் தனது பதவிக்காலம் முடிவதற்குள் பதவியை விட்டு வெளியேறியதில்லை. உண்மையில் இது கடினமான முடிவு.”
ஜனாதிபதி கோட்டாபய ராஜபக்ஷ அந்த கடினமான முடிவை எடுத்துள்ளதாகவும், ஜனாதிபதி பதவியில் இருந்து விலகுவது தொடர்பான இராஜினாமா கடிதத்தில் அவர் கையொப்பமிடுவதாகவும் ஸ்ரீலங்கா பொதுஜன முன்னணி சுட்டிக்காட்டியுள்ளது.
30 வருடகால பயங்கரமான பயங்கரவாதத்தை முடிவுக்குக் கொண்டு வந்து தாய்நாட்டில் சமாதானத்தை ஏற்படுத்துவதில் தீர்க்கமான பங்களிப்பை ஆற்றிய கோட்டாபய ராஜபக்ஷ, கடந்த ஜனாதிபதித் தேர்தலில் வரலாற்று சிறப்புமிக்க ஆணையுடன் வெற்றி பெற்றதாக பொதுஜன முன்னணி தெரிவித்துள்ளது.
கோட்டாபய ராஜபக்ச ஜனாதிபதியாக பதவியேற்று மூன்று மாதங்களுக்கு முன்னரே கொவிட் தொற்றுநோயிலிருந்து தனது சக நாட்டு மக்களின் உயிரைக் காப்பாற்றும் சிக்கலான சவாலை எதிர்கொள்ள வேண்டியிருந்தது.
கொவிட் அனர்த்தத்தை சரியான முறையில் நிர்வகிப்பதில் இலங்கை ஜனாதிபதி வெற்றி பெற்றுள்ளார் என்பதை சர்வதேச சமூகம் கூட ஏற்றுக்கொண்டுள்ளதாக பொதுஜன முன்னணி குறிப்பிட்டுள்ளது.
நீண்ட கால காரணங்களுக்காக உருவாக்கப்பட்ட இலங்கையின் அந்நிய செலாவணி பிரச்சினை, கொவிட் அனர்த்தத்தை எதிர்கொள்ளும் போது கடுமையான நெருக்கடியாக உருவெடுத்தது.
நாட்டில் அந்நிய செலாவணி நெருக்கடியின் உச்சகட்டம் இது என்றும் ஸ்ரீலங்கா பொதுஜன முன்னணி குறிப்பிட்டுள்ளது.
போர்க்களத்தில் ஒரு போர் வீரனாகவும், இராஜாங்கச் செயலாளராகவும், இலங்கை ஜனநாயக சோசலிசக் குடியரசின் தலைவராகவும் கோத்தபாய ரபக்ஷ ஆற்றிய சேவைக்காக இலங்கைப் பொது மக்களின் வணக்கங்கள், எதிர்கால பிரஜைகளின் மனசாட்சியின் ஊடாக, நிச்சயமாக ஒரு உரையாடல் கோத்தபாய ராஜபக்ச போன்ற நேர்மையான மனிதரின் விழுமியங்களை உருவாக்க வேண்டும்.
