(UTV | கொழும்பு) – எதிர்காலத்தில் வரவிருக்கும் எரிபொருள் ஏற்றப்பட்ட பல கப்பல்களுக்கான கொடுப்பனவுகள் கடந்த வெள்ளிக்கிழமை லங்கா ஐஓசி நிறுவனத்திற்கு முழுமையாக வழங்கப்பட்டுள்ளதாக எரிசக்தி அமைச்சர் காஞ்சன விஜேசேகர தெரிவித்துள்ளார்.
இது மத்திய வங்கி மற்றும் நிதி அமைச்சின் ஆதரவுடன். இதன்படி எதிர்வரும் 15ஆம் திகதி முதல் 17ஆம் திகதி வரை இலங்கைக்கு வரவுள்ள டீசல் கப்பலுக்கான முழுமையான கொடுப்பனவுகளும், 22ஆம் திகதி முதல் 24ஆம் திகதி வரையில் வரவிருக்கும் பெட்ரோல் கப்பலுக்கான முழுக் கொடுப்பனவுகளும் செலுத்தப்பட்டுள்ளன.
15ஆம் திகதி முதல் 17ஆம் திகதி வரையில் வரும் டீசல் கப்பல் மற்றும் 17ஆம் திகதி முதல் 19ஆம் திகதி வரையில் வரும் பெட்ரோல் கப்பலுக்கான ஆரம்ப கொடுப்பனவுகளும் செலுத்தப்பட்டுள்ளன.
டீசல் கப்பல் தொடர்பான எஞ்சிய கொடுப்பனவு இன்று வழங்கப்படும் என எரிசக்தி அமைச்சர் தெரிவித்துள்ளார்.
பெட்ரோல் கப்பல் தொடர்பான எஞ்சிய கொடுப்பனவு நாளை வழங்கப்படும் என காஞ்சன விஜேசேகர தெரிவித்தார்.
நாளை முதல் 15ம் திகதிக்குள் டீசல் கப்பல், 14ம் திகதி முதல் 16ம் திகதி வரை கனரக எரிபொருள் கப்பல், 15ம் திகதி முதல் 17ம் திகதிக்குள் கச்சா எண்ணெய் கப்பல் வர உள்ளது.
கப்பல்கள் கொழும்புக்கு வந்த பின்னரே பணம் செலுத்த வேண்டும்.
கடந்த 9ஆம் திகதி வரவிருந்த கப்பல் மோசமான வானிலை காரணமாக தாமதமாகியுள்ளது.
இது இன்று காலை இந்தியாவில் இருந்து புறப்பட்டு நாளை முதல் 15ம் திகதி வரை இலங்கையை வந்தடையும்.