(UTV | இந்தியா) – தமிழ், தெலுங்கு என இரண்டு மொழிகளிலும் முன்னணி நாயகியாக திகழ்பவர் நடிகை. தமிழ் சினிமாவில் விஜய், அஜித், சூர்யா உள்ளிட்ட முன்னணி நடிகர்கள் பலருடனும் இணைந்து நடித்துள்ளார். பாலிவுட்டிலும் ‘ஹிம்மத்வாலா’, ‘எண்டெர்டெய்ன்மெண்ட்’, ‘ஹம்ஷகல்ஸ்’, ‘துடக் துடக் துடியா’ உள்ளிட்ட பல வெற்றி படங்களில் நடித்துள்ளார்.
ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம்
சமீபத்தில் தமன்னா நடிப்பில் வெளியான ‘நவம்பர் ஸ்டோரி’ வெப் சீரிஸ் ரசிகர்களிடம் நல்ல வரவேற்பைப் பெற்றுள்ளது. டிஸ்னி பிளஸ் ஹாட்ஸ்டாரில் வெளியான இந்த சீரிஸில் தமன்னா முன்னணி கதாபாத்தியம் ஏற்று நடித்திருந்தார். அடுத்ததாக தெலுங்கில் மெஹா ஹிட் அடித்த ‘அந்தாதுன்’ படத்தின் தெலுங்கு ரீமேக்கான ‘மேஸ்ட்ரோ’ படத்திலும் நடித்துள்ளார் தமன்னா.
இந்நிலையில் நடிகையில் இருந்து தற்போது எழுத்தாளராகவும் மாறியுள்ளார் தமன்னா. லைஃப்ஸ்டைல் பயிற்சியாளர் லூக் காவ்டின்ஹோ உடன் இணைந்து ‘பேக் டூ தி ரூட்ஸ்’ என்ற புத்தகத்தை எழுதியுள்ளார் தமன்னா. இந்த புத்தகம் இந்தியாவின் பண்டைய வாழ்க்கை முறைகளின் மூலம் நோய்களைத் தடுப்பது, ஆயுளை நீட்டித்து வாழ்க்கைத் தரத்தை மேம்படுத்துவது பற்றிப் பேசுகிறது.
இந்த புத்தகம் குறித்து தமன்னா கூறும் போது, ‘பேக் டூ தி ரூட்ஸ்’ என்னுடைய முதல் புத்தகம். எனவே, அது எனக்கு மிகவும் விஷேசமான ஒரு புத்தகம். ஆனால், அதையும் தாண்டி நான் இந்த புத்தகத்தை மிகவும் நம்புகிறேன். மேலும், இது அதிகமான மக்களிடம் போய்ச் சேர வேண்டும் என்று விரும்புகிறேன். இந்தப் புத்தகத்தின் மூலம் நம்முடைய பண்டைய வாழ்க்கை முறைகளின் முக்கியத்துவத்தை மக்கள் புரிந்துகொள்ள வேண்டும் என்பதே எனது நோக்கம்.
அதிலும் குறிப்பாக மிகுந்த அழுத்தமும், வேகமும் நிறைந்த இன்றைய காலகட்டத்தில் கலாச்சார அறிவே மற்ற எதனையும் விட முக முக்கியமானதாக இருக்கிறது என தெரிவித்துள்ளார் தமன்னா.பெங்குயின் ரேண்டம் ஹவுஸ் பதிப்பகம் வழங்கும் இந்த புத்தகம் வரும் ஆகஸ்ட் 30 தேதி வெளியாக உள்ளது குறிப்பிடத்தக்கது.