(UTV | கொழும்பு) – ஆசியா வலயத்தின் 2020ம் ஆண்டுக்கான மனித உரிமைகள் பாதுகாவலர்களுக்கான, முன்னணி பாதுகாவலர்கள் விருது (2020 Front Line Defenders award) புத்தளத்தை சேர்ந்த ஜுவைரியா மொஹிதீனுக்கு வழங்கப்பட்டுள்ளது.
தனது உயிரையும் துச்சமாக வைத்து பாலின அடிப்படையிலான வன்முறைகளை எதிர்த்துப் போராடுவது, அமைதியைக் கட்டியெழுப்பும் இயக்கங்களை வழிநடத்துதல், சிறுபான்மை குழுக்களின் உரிமையைப் பாதுகாத்தல் மற்றும் பூர்வீக நிலங்களைப் பாதுகாத்தல் போன்றவற்றிற்கு கௌரவிக்கப்பட்ட நான்கு மனித உரிமை பாதுகாவலர்களில் இவரும் ஒருவராவார்.
2010ம் ஆண்டு இவரினால் Muslim Women’s Development Trust (MWDT) எனும் அமைப்பு ஆரம்பிக்கப்பட்டு இன்று வரை சேவைகளை முன்னெடுத்து வருகிறார்.
அவருக்கும் அவரது குடும்பத்தினருக்கும் எதிரான அச்சுறுத்தல்கள், அப்பட்டமான தவறான தகவல்கள், அவரது கதாபாத்திரத்தின் மீதான தாக்குதல்கள், துரோகி என்று அழைக்கப்படுதல் மற்றும் தனது சொந்த சமூகத்தின் சில பகுதிகளிலிருந்து விலகி இருப்பது இவை அனைத்தையும் மீறி அவர் தடையின்றி அவரது சேவையினை முன்னெடுத்தவர் என்பதும் குறிப்பிடத்தக்கது.