(UTV | அமெரிக்கா) – உதவியாளர்களில் ஒருவரான ஹோப் ஹிக்சுக்கு கொரோனா பாதிப்பு உறுதி செய்யப்பட்டதையடுத்து, அமெரிக்க ஜனாதிபதியான டொனால்ட் டிரம்பும் (74 வயது) அவரது மனைவி மெலனியா டிரம்ப்பும் கடந்த 2 ஆம் திகதி கொரோனா பரிசோதனை செய்யப்பட்டது.
அதில் ஜனாதிபதி டிரம்ப் மற்றும் அவரது மனைவி மெலினியா ஆகிய இருவருக்குமே கொரோனா வைரஸ் தொற்று பரவியிருப்பது உறுதி செய்யப்பட்டது.
இதையடுத்து, காய்ச்சல் தொடர்ந்து நீடித்து வந்ததையடுத்து, கடந்த 3 ஆம் திகதி மேலதிக சிகிச்சைக்காக அலபாமா மாகாணத்தில் உள்ள வால்டர் ரேட் தேசிய இராணுவ வைத்தியசாலையில் ஜனாதிபதி டொனால்ட் டிரம்ப் அனுமதிக்கப்பட்டார்.
வைத்தியசாலையில் சேர்க்கப்பட்டபின் அவர் தொடர்ந்து ரெம்டெசிவிர் மருந்தை எடுத்து வந்தார். இதையடுத்து, அவரது உடல்நிலை சீரடைந்தது.
இந்நிலையில், 3 நாட்களாக சிகிச்சை பெற்றுவந்த வால்டர் ரேட் இராணுவ வைத்தியசாலையில் இருந்து டொனால்ட் டிரம்ப் இன்று வைத்தியசாலையில் இருந்து வௌியேறியுள்ளார்.
இதையடுத்து, அவர் வெள்ளை மாளிகையில் தொடர்ந்து சிகிச்சை பெறுவார் என தகவல் வெளியாகியுள்ளது.