(UTV|கொழும்பு ) – தேசிய பாதுகாப்பு மற்றும் பொது மக்கள் பாதுகாப்பை உறுதிப்படுத்தும் வகையில் பொலிஸ் விஷேட அதிரடிப்படையின் தலைமையகத்தில் விஷேட நடவடிக்கை பிரிவு உடனடியாக அமுலுக்கு வரும் வகையில் ஸ்தாபிக்கப்பட்டுள்ளது.
பாதுகாப்புச் செயலாளர் ஓய்வு பெற்ற மேஜர் ஜெனரல் கமல் குணரட்னவின் வழிகாட்டலின் கீழ் மேற்படி விஷேட நடவடிக்கை பிரிவு உருவாக்கப்பட்டுள்ளதாக பாதுகாப்பு அமைச்சு அறிவித்துள்ளது.
இதன்படி, தகவல்கள் வழங்குபவர்கள் மற்றும் முறைப்பாடு செய்பவர்களின் இரகசிய தன்மை பேணப்படும் என்றும் பொலிஸ் விஷேட அதிரடிப்படை வட்டாரங்கள் தெரிவிக்கின்றன.
இதன்படி, 24 மணி நேரமும் செயற்படும் வகையில், பொது மக்கள் 0112 580 518, 0112 058 552, 0112 500 471, 0112 506 588 மற்றும் 0112 589 741 என்ற தொலைப்பேசி இலக்கங்கள் அல்லது 0112 588 489, 0112 081 044 என்ற பெக்ஸ் இலக்கங்கள் ஊடாக தங்களது முறைப்பாடுகளை பதிவு செய்துக் கொள்ள முடியும் என தெரிவிக்கப்பட்டுள்ளது.
