கங்கனா ரனாவத், விஜய்யிடம் முன்வைத்த கோரிக்கை

(UTVNEWS|COLOMBO)- பிரபல பாலிவுட் நடிகை கங்கனா ரனாவத், ஜெயலலிதா வாழ்க்கை பட பெயர் தொடர்பில் இயக்குனர் விஜய்க்கு கோரிக்கை ஒன்றை முன்வைத்துள்ளார்.

இயக்குனர் விஜய், வித்யா பாலனை வைத்து இயக்குவதாக இருந்த ஜெயலலிதாவின் பயோபிக், தற்போது கங்கனா ரனாவத் நடிப்பில் தயாராகி வருகிறது.

`தலைவி’ எனப் பெயரிடப்பட்டிருக்கும் இந்த படம், தமிழ், தெலுங்கு மற்றும் இந்தி என மூன்று மொழிகளில் எடுக்கப்பட்டு வருகிறது.

தமிழ் மற்றும் தெலுங்கு பதிப்புகளுக்கு `தலைவி’ எனவும், ஹிந்தியில் ’ஜெயா’ எனவும் பெயரிடப்பட்டது. இந்த பெயர்கள் முன்னதாகவே அறிவிக்கப்பட்டிருந்தது.

தற்போது இந்தப் பெயர்கள் குறித்த தன்னுடைய கருத்தை, இயக்குநர் விஜய்யிடம் கங்கனா தெரிவித்துள்ளார்.

`ஒரு திரைப்படம் மூன்று மொழிகளில் எடுக்கப்படும்போது, அவை மூன்றுக்கும் ஒரே பெயர் வைப்பது தானே சரியாக இருக்கும். அதனால், இந்தி பதிப்புக்கு `தலைவி’ என்கிற பெயரையே வைக்கலாம்’ என கங்கனா கோரிக்கை விடுத்துள்ளார்.

இந்த விடயம் தொடர்பில் படக்குழு ஆலோசனை செய்து வருவதாகவும், ‘தலைவி’ என்கிற பெயரில் ஹிந்தி பதிப்பு டைட்டில் லுக் விரைவில் வெளியாகும் என கூறப்படுகிறது.