(UTV|COLOMBO) மாத்தறையில் இருந்து அம்பாந்தோட்டை வரையான கடல் பகுதிகளில் பலத்த காற்று வீசக்கூடும் என வளிமண்டலவியல் திணைக்களம் எச்சரிக்கை விடுத்துள்ளதுடன் அந்த கடற்பகுதிகளில் காற்றின் வேகம் இடைக்கிடையே மணிக்கு 70 கிலோ மீட்டர் வேகத்தில் வீசக்கூடும் என அந்த திணைக்களம் அறிக்கையொன்றை வெளியிட்டு தெரிவித்துள்ளது.
அதனுடன் திருகோணமலையில் இருந்து புத்தளம் மற்றும் கொழும்பு ஊடாக மாத்தறை வரையான கடற்கரைக்கு அப்பாலான கடற்பகுதிகளில் காற்றின் வேகம் மணிக்கு 50 கிலோ மீற்றர் வேகத்தில் அதிகரித்து வீசக்கூடும்.
அது தொடர்பில் கடற்றொழில் மற்றும் கடற்படை சமூகமும் அவதானத்துடன் செயல்பட வேண்டும் என வளிமண்டலவியல் திணைக்களம் அறிவுறுத்தியுள்ளது.