(UDHAYAM, COLOMBO) – T20 கிரிக்கட் வீரர்களுக்கான புதிய தரவரிசையில் தென்ஆப்பிரிக்க சுழற்பந்து வீச்சாளர் இம்ரான் தாஹிர் முதலிடத்தில் இருந்து 3-வது இடத்துக்கு தள்ளப்பட்டுள்ளார்.
T20 கிரிக்கட் வீரர்களுக்கான புதிய தரவரிசை பட்டியலை சர்வதேச கிரிக்கட் கவுன்சில் (ஐ.சி.சி.) நேற்று வெளியிட்டது.
இதில் பந்து வீச்சாளர்களின் தரவரிசையில் தென்ஆப்பிரிக்க சுழற்பந்து வீச்சாளர் இம்ரான் தாஹிர் முதலிடத்தில் இருந்து 3-வது இடத்துக்கு தள்ளப்பட்டுள்ளார்.
இங்கிலாந்துக்கு எதிரான 20 ஓவர் தொடரில் ஒரு விக்கட் மட்டுமே எடுத்ததால் தாஹிருக்கு இந்த பின்னடைவு ஏற்பட்டுள்ளது.
அவருக்கு பதிலாக பாகிஸ்தான் சுழற்பந்து வீச்சாளர் இமாத் வாசிம் முதலிட அரியணையில் ஏறியுள்ளார்.
இந்தியாவின் பும்ரா 2-வது இடத்தை பெற்றுள்ளார்.
துடுப்பாட்ட வீரர்களின் தரவரிசையில் இந்திய அணித்தலைவர் விராட் கோஹ்லி முதலிடத்தில் நீடிக்கிறார்.
[ot-caption title=”” url=”http://utvnews.lk/wp-content/uploads/2017/06/164528-1.jpg”]