(UTV | கொழும்பு) – நாசிவன்தீவு பகுதியில் வெள்ளிக்கிழமை (12) நீரில் அடித்துச் செல்லப்பட்டு மரணமடைந்த 17 வயதுடைய வாழைச்சேனை மாஹிர் ஆதிக் எனும் இளைஞனின் உடல் நேற்று (13) சனிக்கிழமை அஸர் தொழுகையின் பின்னர் வாழைச்சேனை ஹைராத் பள்ளிவாசல் மையவாடியில் நல்லடக்கம் செய்யப்பட்டது.
பெருந்திரளான மக்கள் கலந்து கொண்ட நல்லடக்கத்தின்போது, மரணமடைந்த ஆதிக் வளர்த்த பூனையும் கலந்து கொண்டது.
மரணமடைந்த ஆதிக் சுமார் இரண்டு வருடங்களாக அந்த பூனையை மிகவும் பாசத்துடன் வளர்த்து வந்துள்ளார்.
ஆதிக் அதற்கு உணவு ஊட்டுவது, அதன் அருகில் தூங்குவது என அந்த பூனை ஆதிக்குடன் ஒட்டி உறவாடியுள்ளது.
நேற்று முதல் ஆதிக்கை தேடி அழுதவாறு திரிந்த பூனை இன்று அவரது உடல் வீட்டிலிருந்து பள்ளிவாசலுக்கு கொண்டு செல்லும்போது அழுது துடியாய் துடித்துள்ளது.
அதனை அவதானித்த அதீகின் உறவினர்கள் பூனையை ஆறுதல்படுத்த நல்லடக்கம் செய்யும் இடத்துக்கு கொண்டடு வந்தனர்.
பூனையின் இந்த செயற்பாடு பலரையும் ஆச்சிரியத்தில் ஆழ்த்தியுள்ளது.
எங்கிருந்தாலும் உடனுக்குடன்
කොතැන සිටියත් ඔබ දැනුවත්