(UTV | கொழும்பு) –
2023 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு இன்று (22) நடைபெறவுள்ளது.
வரவு செலவுத் திட்டத்தின் இரண்டாம் வாசிப்பு மீதான வாக்கெடுப்பு இன்று மாலை 5 மணிக்கு இடம்பெறவுள்ளதாக பாராளுமன்ற தகவல் தொடர்பு திணைக்களம் தெரிவித்துள்ளது. அடுத்த ஆண்டுக்கான வரவு செலவுத் திட்டம் கடந்த 14 ஆம் திகதி ஜனாதிபதி ரணில் விக்ரமசிங்கவினால் நிதி அமைச்சராக பாராளுமன்றத்தில் சமர்ப்பிக்கப்பட்டது.
இதன்படி, வரவு செலவுத் திட்டத்தின் இரண்டாம் வாசிப்பு மீதான விவாதம் நவம்பர் 15 ஆம் திகதி ஆரம்பமானதுடன், இன்று விவாதம் நடத்தப்பட்டு விவாதத்தின் பின்னர் வாக்கெடுப்பு நடத்தப்படவுள்ளது. வரவு செலவுத் திட்ட குழு வாய்ப்பு விவாதம் நாளை (23) முதல் டிசம்பர் 8 ஆம் திகதி வரை 13 நாட்களுக்கு நடைபெறவுள்ளதுடன், அன்றைய தினம் மாலை 5 மணிக்கு மூன்றாம் வாசிப்பு மீதான வாக்கெடுப்பு நடத்தப்பட உள்ளது.
எங்கிருந்தாலும் உடனுக்குடன்
කොතැන සිටියත් ඔබ දැනුවත්