(UTV | கொழும்பு) – உலகக்கிண்ண டி20 கிரிக்கெட் போட்டியில் பங்கேற்கும் இலங்கை அணி இன்று அதிகாலை நாட்டிலிருந்து புறப்பட்டது.
இவர்களுக்கு பிரியாவிடை வழங்க வீரர்களின் உறவினர்கள் மற்றும் கிரிக்கெட் அமைப்பின் அதிகாரிகளும் வந்திருந்ததாக தெரிவிக்கப்பட்டுள்ளது.
இந்தப் போட்டி வரும் 16-ம் திகதி ஆஸ்திரேலியாவில் தொடங்குகிறது.
அவுஸ்திரேலியாவிற்கு அங்குள்ள நிலைமைகளுக்கு பழகிக் கொள்ளும் நோக்கில் இலங்கை அணி முன்கூட்டியே புறப்படும் என இலங்கை கிரிக்கெட் செயலாளர் மொஹான் டி சில்வா குறிப்பிட்டிருந்தார்.
12 சூப்பர் அணிகளுக்கிடையிலான போட்டிக்கு முன்னதாக இலங்கை அணி தகுதிச் சுற்றுப்போட்டியில் பங்கேற்கவுள்ள நிலையில் அந்த போட்டி எதிர்வரும் 16ஆம் திகதி நமீபியாவுக்கு எதிரான போட்டியின் ஆரம்பமாகவுள்ளது.
இந்தப் போட்டியில் அதிக வெற்றிகளைப் பெறும் அணி முதல் 12 அணிகளுக்கு இடையேயான சுற்றுப் போட்டியைத் தொடங்கும்.
அதற்கு முன்னதாக, இலங்கை அணி 2 பயிற்சி ஆட்டங்களில் விளையாடி 3 தகுதிச் சுற்று ஆட்டங்களில் விளையாடுகிறது.
இது குறித்து கருத்து தெரிவித்த இலங்கை T20 அணித்தலைவர் தசுன் ஷனக மற்றும் தலைமை பயிற்றுவிப்பாளர் கிறிஸ் சில்வர்வுட், 12 சூப்பர் அணிகளுக்கிடையிலான போட்டிகள் ஆரம்பமாவதற்கு முன்னர், 2 பயிற்சிப் போட்டிகள் தவிர, தகுதிச் சுற்றின் கீழ் தமது அணி 3 போட்டிகளில் விளையாட முடியும். இது அணியின் நன்மைக்கு வழிவகுக்கும்.
கடந்த சில ஆண்டுகளாக, டி20 பிரிவில் மோசமான ஆட்டத்தை வெளிப்படுத்தியதால், சூப்பர் 12 போட்டிக்கு நேரடியாக தகுதி பெறும் வாய்ப்பை இலங்கை இழந்தது.
எனவே, இலங்கை அணி தகுதிச் சுற்றுப் போட்டியில் விளையாட வேண்டும், ஆனால் அது அவுஸ்திரேலிய ஆடுகளங்களுடன் பழகுவதற்கு சிறந்த வாய்ப்புகளை உருவாக்கும் என்று கேப்டன் மற்றும் பயிற்சியாளர் கருத்து தெரிவிக்கின்றனர்.