(UTV | கொழும்பு) – ஐக்கிய தேசியக் கட்சியின் 76வது ஆண்டு நினைவு தினம் இன்று அனுஷ்டிக்கப்படுகிறது.
ஐக்கிய தேசியக் கட்சியின் 76 ஆவது ஆண்டு நிறைவைக் கொண்டாடுவதற்கான அனைத்து ஏற்பாடுகளும் கொழும்பில் நடைபெற்று வருவதாக ஐக்கிய தேசியக் கட்சி அறிக்கையொன்றை வெளியிட்டுள்ளது.
ஐக்கிய தேசியக் கட்சியின் வருடாந்த விழா ஐக்கிய தேசியக் கட்சியின் தலைவர் ரணில் விக்கிரமசிங்க தலைமையில் சுகததாச உள்ளக விளையாட்டரங்கில் பிற்பகல் 3 மணிக்கு இடம்பெறவுள்ளது.
ஐக்கிய தேசியக் கட்சியின் மாநாட்டை பிரதித் தலைவர் ருவான் விஜேவர்தன தலைமையிலான குழு “ஒன்றுபட்டு நாட்டைக் கட்டியெழுப்புவோம்” என்ற தொனிப்பொருளில் ஏற்பாடு செய்யப்பட்டுள்ளது.
ஐக்கிய தேசியக் கட்சியின் மாநாட்டுடன் இணைந்து, செப்டம்பர் 4 ஆம் திகதி முதல் நாட்டிலுள்ள அனைத்து தொகுதிகளிலும் சமய நிகழ்வுகளும் இடம்பெற்றன.
இதேவேளை, கட்சியின் சிரேஷ்ட உறுப்பினர்கள், மக்கள் பிரதிநிதிகள், தொழில் வல்லுநர்கள் மற்றும் தொழிற்சங்க உறுப்பினர்கள் இன்றைய நிகழ்வில் பங்கேற்பார்கள் என எதிர்பார்க்கப்படுகிறது.
இந்த மாநாட்டிற்கு ஏனைய கட்சிகளின் பிரதிநிதிகளுக்கும் அழைப்பு விடுக்கப்பட்டுள்ளதாக ஐக்கிய தேசியக் கட்சியின் தலைவர் வஜிர அபேவர்தன தெரிவித்துள்ளார்.
ஐக்கிய தேசியக் கட்சியானது 1946 ஆம் ஆண்டு செப்டம்பர் மாதம் 6 ஆம் திகதி இலங்கையின் முதல் பிரதமரான டொன் ஸ்டீபன் சேனாநாயக்கவினால் ஸ்தாபிக்கப்பட்டது.
1947 முதல் 1956 வரை, 1965 முதல் 1970 வரை, 1977 முதல் 1994 வரை, 2001 முதல் 2004 வரை, 2015 முதல் 2019 வரை கிராண்ட் ஓல்ட் பார்ட்டி என குறிப்பிடப்படும் யூ.என்.பி.
ஐக்கிய தேசியக் கட்சியின் 76ஆவது ஆண்டு நிறைவைக் கொண்டாடும் வேளையில், தற்போதைய பொருளாதார நெருக்கடியில் இருந்து நாட்டைக் காப்பாற்றுவதற்கான பாரிய சீர்திருத்த நிகழ்ச்சி நிரலை கட்சியின் தலைவர் ஜனாதிபதி ரணில் விக்கிரமசிங்க முன்னெடுத்து வருகின்றார்.