(UTV | கொழும்பு) – இலங்கை பெற்றோலியக் கூட்டுத்தாபனத்தை தனியார் மயமாக்கும் தன்னிச்சையான தீர்மானத்தை எரிசக்தி அமைச்சர் தொடர்ந்தால், இரண்டாம் கட்ட போராட்டத்தை ஆரம்பித்து நாட்டிலுள்ள அனைத்து தொழிற்சங்கங்களின் தலையீட்டுடன் புதிய அரசாங்கத்தை கொண்டு வருவோம் என பெட்ரோலிய தொழிற்சங்கங்கள் ஏகமனதாக தெரிவித்தன.
இந்த நாட்டிலுள்ள அனைத்து தொழிற்சங்கங்களும் இணைந்து இம்முறை போராட்டத்தை ஆரம்பிக்கவுள்ளதாக அந்த சங்கத்தின் தலைவர் கலாநிதி அசோக ரன்வல தெரிவித்தார்.
இவ்வாறானதொரு நிலைக்கு அணியை இழுக்கப் போகிறாரா இல்லையா என்பதை அமைச்சர் சிந்திக்க வேண்டும் என அவர் சுட்டிக்காட்டியுள்ளார்.
எரிசக்தி அமைச்சுக்கு முன்பாக இன்று (22) பாரிய கவனயீர்ப்பு போராட்டம் நடத்தப்படும் எனவும் அமைச்சர் எத்தகைய செய்திகளை வெளியிட்டாலும் அது நிறுத்தப்படாது எனவும் அவர் வலியுறுத்தியுள்ளார்.
எவ்வாறாயினும், பெட்ரோலியக் கூட்டுத்தாபனத்தின் உத்தேச மறுசீரமைப்புத் திட்டத்திற்கு தொழிற்சங்கங்கள் எதிர்ப்புத் தெரிவித்த போதிலும், அந்நடவடிக்கை தொடரும் என மின்சக்தி மற்றும் எரிசக்தி அமைச்சர் காஞ்சன விஜேசேகர நேற்று (21) டுவிட்டர் செய்தியில் குறிப்பிட்டுள்ளார்.
உத்தேச திட்டம் குறித்து சம்பந்தப்பட்ட தொழிற்சங்கங்களுக்கு அறிவிக்கப்பட்டுள்ளதாகவும் அதில் குறிப்பிடப்பட்டுள்ளது. இந்த தொழிற்சங்கங்களின் பிரதிநிதிகளுக்கு எதிர்ப்பு தெரிவிப்பதற்கான உரிமைக்கு சவால் விடுக்கப்படவில்லை எனவும், ஆனால் குறித்த நிறுவனம் தொடர்பில் அமைச்சு என்ற ரீதியில் எடுக்கப்பட்ட தீர்மானங்களில் மாற்றம் இல்லை எனவும் அமைச்சர் சுட்டிக்காட்டினார்.
தேசிய வளங்களை கறுப்புச் சந்தைக் கொள்ளையர்களுக்கும் மோசடி நிறுவனங்களுக்கும் விற்கும் சதியில் இருந்து நாட்டைக் காப்பாற்ற அனைத்து மக்களையும் அணிதிரட்ட வேண்டிய தருணம் வந்துவிட்டது என்றும், மக்களின் உயிரைப் பறிக்க மாட்டோம் என்றும் பெட்ரோலிய தொழிற்சங்கங்கள் ஒன்றிணைந்து கூறுகின்றன.
2002ஆம் ஆண்டு ரணில் விக்கிரமசிங்க பிரதமராக இருக்கும் போது பெட்ரோலிய கூட்டுத்தாபனத்தை விற்க முயற்சித்ததாகவும், 2022ஆம் ஆண்டு ஜனாதிபதியாக இருக்கும் போது மீண்டும் அதனை செய்ய முயற்சிப்பதாகவும் தெரிவித்துள்ளார். தொழிற்சங்கங்கள் இருக்கும் வரை இந்த முயற்சி வெற்றி பெற அனுமதிக்காது என்றும் அடக்குமுறைக்கு அஞ்சி அமைதியாக இருக்க தனது சங்கங்கள் தயாரில்லை என்றும் சங்கத்தின் தலைவர் அசோக ரன்வல மேலும் தெரிவித்திருந்தார்.