“இலங்கைக்கு சாத்தியமான எல்லா வழிகளிலும் இந்தியா உதவியது”

(UTV | கொழும்பு) – இலங்கைக்கு இந்தியா அனைத்து உதவிகளையும் செய்துள்ளதாக இலங்கை வெளியுறவு அமைச்சர் எஸ்.ஜெய்சங்கர் தெரிவித்துள்ளார்.

இந்த வருடத்தில் மட்டும் இந்தியா 3.8 பில்லியன் டொலர்களை இலங்கைக்கு உதவியாக வழங்கியுள்ளதாக அவர் குறிப்பிட்டுள்ளார்.

இந்தோ-பசிபிக் பிராந்தியத்திற்கான இந்தியாவின் தொலைநோக்குப் பார்வை என்ற தலைப்பில் தாய்லாந்தில் இடம்பெற்ற உரையின் முடிவில் எழுப்பப்பட்ட தொடர் கேள்விகளுக்கு பதிலளிக்கும் போதே வெளிவிவகார அமைச்சர் மேற்கண்டவாறு தெரிவித்தார்.

நிதி உதவி – கடன் வசதிகள் மற்றும் அந்நிய செலாவணி ஆகிய முறைகளின் கீழ் இந்த உதவி வழங்கப்பட்டுள்ளதாக எஸ்.ஜெய்சங்கர் குறிப்பிட்டுள்ளார்.

சர்வதேச நாணய நிதியத்தின் ஊடாக வழங்கக்கூடிய எந்தவொரு உதவியையும் வழங்க இந்தியா தயாராக இருப்பதாகவும் அவர் மேலும் வலியுறுத்தியுள்ளார்.