(UTV | கொழும்பு) – மக்கள் போராட்டத்திற்கு தந்திரோபாய திட்டமும் அறிவும் இல்லாத காரணத்தினால் ரணில் விக்கிரமசிங்க ஜனாதிபதியாக நியமிக்கப்பட்டார் என பாராளுமன்ற உறுப்பினர் விமல் வீரவன்ச தெரிவித்துள்ளார்.
கொழும்பில் இன்று நடைபெற்ற ஊடகவியலாளர் சந்திப்பில் கலந்து கொண்டு உரையாற்றிய பாராளுமன்ற உறுப்பினர் வீரவன்ச, மக்கள் போராட்டத்தில் ஈடுபட்டுள்ளவர்கள் முட்டாள்தனமானவர்கள் எனவும், அவர்களின் செயற்பாடுகளின் விளைவுகளைப் புரிந்துகொள்ளும் அறிவு இளைஞர்களுக்கு இல்லை எனவும் கூறினார்.
தலையீடுகள் இன்றி தமது போராட்டத்தை அனுமதித்த ஜனாதிபதியை இளைஞர்கள் விரட்டியடித்ததாகவும், பாராளுமன்ற உறுப்பினர்கள் தமது தனிப்பட்ட பாதுகாப்பிற்காக அவநம்பிக்கையான சூழ்நிலையை உருவாக்கியதாகவும் பாராளுமன்ற உறுப்பினர் வீரவன்ச குற்றம் சுமத்தியுள்ளார்.
கடந்த மே மாதம் 9 ஆம் திகதி பாராளுமன்ற உறுப்பினர்களின் சொத்துக்கள் அழிக்கப்பட்ட தனிநபர்களின் செயற்பாடுகள், சில செயற்பாட்டாளர்கள் பாராளுமன்ற வளாகத்தை அத்துமீறி நுழைய முற்பட்ட போது, பாராளுமன்றத்தின் பாதுகாப்பிற்கு உத்தரவாதம் அளித்த ஜனாதிபதி ரணில் விக்கிரமசிங்கவை நியமித்ததாக அவர் கூறினார்.
சில சமூக ஊடக ஆர்வலர்கள் மற்றும் இளைஞர்கள் காதணிகள் மற்றும் தாடியுடன் ‘மக்களின் ஹீரோக்களாக’ மாற முயற்சித்ததாகவும், மக்களின் போராட்டத்தை கண்டிப்பதாகவும் விமல் வீரவன்ச கூறினார்.
தேசிய சுதந்திர முன்னணி எதிர்க்கட்சியின் ஒரு அங்கமாகவே இருக்கும் என்றும், அதன் தொடர்ச்சியாக ஏற்படும் முன்னேற்றங்களை அவதானிக்கும் என்றும் அவர் மேலும் சுட்டிக்காட்டியிருந்தார்.