(UTV | கொழும்பு) – இந்திய அரசாங்கத்தினால் வழங்கப்படும் 65,000 மெற்றிக் தொன் யூரியா உரம் அடுத்த மாதம் முதல் இரண்டு வாரங்களில் இலங்கைக்கு கிடைக்கும் என விவசாய, வனவிலங்கு மற்றும் வனவிலங்கு பாதுகாப்பு அமைச்சர் மஹிந்த அமரவீர தெரிவித்துள்ளார்.
நமது நாட்டில் தற்போது நிலவும் உரத் தட்டுப்பாட்டைக் கருத்தில் கொண்டு அவர்களின் தேவைக்காக ஓமானில் இருந்து இறக்குமதி செய்யப்பட்ட இந்த உரத் தொகையை வழங்க இந்திய அரசாங்கம் தீர்மானித்துள்ளதாக அமைச்சர் தெரிவித்தார்.
விவசாய அமைச்சின் கீழ் வெளிநாட்டு நிதியுதவியுடன் மேற்கொள்ளப்படும் விவசாயத் திட்டங்களின் முன்னேற்றம் தொடர்பான கலந்துரையாடலில் கலந்துகொண்டு உரையாற்றும் போதே அவர் இவ்வாறு தெரிவித்தார்.
தேசிய உர செயலகம், விவசாய அமைச்சு, வர்த்தக உர நிறுவனம், இலங்கை உர நிறுவனம் மற்றும் ஏனைய வலையமைப்புகள் இணைந்து இரண்டு மூன்று நாட்களுக்குள் உரம் கிடைத்தவுடன் விவசாயிகளுக்கு விநியோகிக்க திட்டமிட்டுள்ளதாக அவர் கூறினார். யூரியா உர மூட்டை சுமார் ரூ.10,000 மதிப்பில் விவசாயிகளுக்கு வழங்க ஏற்பாடு செய்யப்பட்டுள்ளது.
கமநலப் பிரதிநிதிகள் மற்றும் அதிகாரிகளுடனான கலந்துரையாடலின் போது இணக்கப்பாடு எட்டப்பட்டதாகவும், அமைச்சரவையில் விலைகள் சமர்ப்பிக்கப்பட்ட போது எவரும் ஆட்சேபனை தெரிவிக்கவில்லை எனவும் அவர் தெரிவித்தார்.