(UTV | கொழும்பு) – அரசியலமைப்பின் உத்தேச 21வது திருத்தம் குறித்து இலங்கையின் அமரபுர மகா நிகாய பீடாதிபதிக்கு விளக்கமளிக்கப்பட்டுள்ளது.
உத்தேச 21வது அரசியலமைப்புத் திருத்தம் தொடர்பில் ஸ்ரீலங்கா அமரபுர மகா நிகாயத்தின் தலைவர் அக்கமஹா பண்டித அதி வணக்கத்துடன் கூடிய தொடம்பஹல சந்தசிறி மகாநாயக்க தேரர் கௌரவ.
நாட்டின் தற்போதைய அரசியல் நிலைமைகள் மற்றும் அரசியலமைப்பின் உத்தேச 21வது திருத்தம் குறித்து கௌரவ நீதி அமைச்சர் அவர்களினால் அதி வணக்க மகாநாயக்க தேரர்களுக்கு விளக்கமளிக்கப்பட்டது.
இந்நிகழ்வில் உரையாற்றிய நீதியமைச்சர், நாட்டின் பொருளாதாரத்தை கட்டியெழுப்புவதற்கு அரசியல் ஸ்திரத்தன்மை அவசியமானதனால் அரசியலமைப்பின் 21வது திருத்தத்தை கொண்டு வர நடவடிக்கை எடுக்கப்படும் என தெரிவித்தார்.
20ம் திருத்தச் சட்டத்தின் மூலம் இல்லாதொழிக்கப்பட்ட கொள்முதல் ஆணைக்குழு மற்றும் கணக்காய்வு ஆணைக்குழுக்களை மீள ஸ்தாபிப்பதற்கு சுயாதீன ஆணைக்குழுக்களின் அதிகாரமளிப்பு முன்மொழியப்பட்டுள்ளதாகவும், நிலவும் அரசியல் ஸ்திரமின்மையினால் நாட்டின் பொருளாதாரம் வீழ்ச்சியடைந்துள்ளதாகவும் அமைச்சர் தெரிவித்தார்.
இரட்டைக் குடியுரிமை பெற்றவர்கள் நாடாளுமன்றத்தில் அங்கம் வகிக்க முடியாத வகையில் அரசியலமைப்பின் 21ஆவது திருத்தம் திருத்தப்பட்டுள்ளதாகவும், மக்களுக்கு ஆதரவாக கொண்டு வரப்படும் இந்த சட்டமூலத்தை மக்கள் பிரதிநிதிகளால் எதிர்க்க முடியாது எனவும் அவர் தெரிவித்துள்ளார்.
எதிர்வரும் திங்கட்கிழமை நடைபெறவுள்ள அமைச்சரவைக் கூட்டத்தில் இந்த சட்டமூலம் சமர்ப்பிக்கப்படுமென எதிர்பார்க்கப்படுவதாக நீதி அமைச்சர் குறிப்பிட்டுள்ளார். அடுத்த சில நாட்களில், மகாநாயக்க தேரர்கள், அனைத்து மதங்களின் தலைவர்கள், அரசியல் கட்சிகளின் தலைவர்கள் மற்றும் சிவில் அமைப்புகளின் பிரதிநிதிகள் ஆகியோருக்கு இந்த சட்டமூலம் தொடர்பில் விளக்கமளிக்கப்படவுள்ளது.
சர்வஜன வாக்கெடுப்புக்கு செல்லாத வகையில் உத்தேச அரசியலமைப்பு 21வது திருத்தம் கொண்டு வரப்பட்டுள்ளதாகவும் புதிய அரசியலமைப்பை உருவாக்க எதிர்காலத்தில் பாராளுமன்ற குழுவொன்றை நியமிக்க வேண்டும் எனவும் அவர் தெரிவித்துள்ளார்.
இதில் கலந்து கொண்டு உரையாற்றிய ஸ்ரீலங்கா அமரபுர மகா நிகாயாவின் அதி வணக்கத்திற்குரிய அக்கமஹா பண்டித அதி வணக்கத்திற்குரிய தொடம்பஹல சந்தசிறி மகாநாயக்க தேரர், நாட்டில் நிலவும் பொருளாதார நிலைமையினால் மக்கள் பெரிதும் பாதிக்கப்பட்டுள்ளதாக தெரிவித்தார்.
இந்த சட்டமூலத்தை தயாரிப்பதற்கு அறிஞர்கள் மற்றும் புத்திஜீவிகளின் கருத்துக்கள் கோரப்பட வேண்டும் எனவும், உத்தேச 21வது அரசியலமைப்பு திருத்தத்திற்கு இலங்கை அமரபுர மகா சங்க சபையின் அங்கீகாரம் வழங்கப்படும் எனவும் அவர் தெரிவித்தார்.
இலங்கை அமரபுர மகா நிகாயாவில் 22 பிரிவுகள் உள்ளதால், அந்த தரப்பினரை பிரதிநிதித்துவப்படுத்தும் மகா சங்க உறுப்பினர்களுக்கு இது குறித்து அறிவிக்கப்படும் என்றார்.