உலக சந்தையில் கச்சா எண்ணெய் விலையில் சரிவு

(UTV | கொழும்பு) – உக்ரைன் தொடர்பாக ரஷ்யா பேச்சுவார்த்தை நடத்த தயாராக இருப்பதாக அமெரிக்க வெளியுறவுத்துறை ஞாயிற்றுக்கிழமை (13ம் திகதி) அறிவித்ததையடுத்து, உலக சந்தையில் கச்சா எண்ணெய் பேரல் ஒன்றின் விலை நேற்று (14ம் திகதி) சுமார் 4 டொலர்கள் குறைந்துள்ளது.

கடந்த வெள்ளிக்கிழமை 112 டாலராக இருந்த ப்ரெண்ட் கச்சா எண்ணெய் பேரல் விலை நேற்று (14ம் திகதி) 3.6 சதவீதம் சரிந்து 108.55 டாலராக இருந்தது.

மேலும், நேற்று (14ம் திகதி) அமெரிக்க வெஸ்ட் டெக்சாஸ் இன்டர்மீடியட் (டபிள்யூடிஐ) கச்சா எண்ணெய் பேரல் ஒன்றின் விலை 3.7 சதவீதம் குறைந்து 105.40 டாலராக இருந்தது.
பெப்ரவரி 24ம் திகதி உக்ரைனுக்கு எதிராக ரஷ்யா போர் தொடுத்த நிலையில், உலக சந்தையில் கச்சா எண்ணெய் விலை கடுமையாக உயரத் தொடங்கியது.

அதன்படி கடந்த வார தொடக்கத்தில் ஒரு பேரல் பிரண்ட் கச்சா எண்ணெய் விலை 140 டாலர் வரை உயர்ந்தது.

அதன்படி கடந்த வாரம் உக்ரைன்-ரஷ்யா போர் தொடங்கியதில் இருந்து ஒரு பீப்பாய் கச்சா எண்ணெய் விலை அதிகபட்சமாக 40 சதவீதம் வரை உயர்ந்திருந்தது.