(UTV | கொழும்பு) – ரஷ்யாவின் Sputnik V கொவிட் தடுப்பூசியின் மற்றுமொரு தொகுதி எதிர்வரும் செவ்வாய் கிழமை இலங்கைக்கு கிடைக்கவுள்ளதாக இராஜாங்க அமைச்சர் சன்ன ஜயசுமன தெரிவித்துள்ளார்.
இதன்படி அடுத்த கட்டமாக 185,000 தடுப்பூசிகள் இலங்கைக்கு கிடைக்கவுள்ளதாகவும் அவர் மேலும் தெரிவித்துள்ளார்.
ரஷ்யாவின் Sputnik V கொவிட் தடுப்பூசியை அவசர தேவைக்காக பயன்படுத்த அமைச்சரவை அங்கீகாரம் வழங்கியிருந்த நிலையில், Sputnik V கொவிட் தடுப்பூசியின் முதல் தொகுதி மே மாதம் 3 ஆம் திகதி இரவு இலங்கையை வந்தடைந்தது.
அதனடிப்படையில் முதல் தொகுதியில் 15,000 தடுப்பூசிகள் கிடைக்கப்பெற்றது.
அதற்கமைவாக 7 மில்லியன் தடுப்பூசிகளை 69.65 மில்லியன் அமெரிக்க டொலருக்கு கொள்வனவு செய்ய அமைச்சரவை அங்கீகாரம் வழங்கியிருந்தமை குறிப்பிடத்தக்கது.
