(UTV|கொழும்பு) – கல்விப் பொதுத் தராதர சாதாரண தரப் பரீட்சையில், கணிதப்பாட செயற்றிறன் மட்டத்தை அடிப்படையாகக் கொண்டு, தெரிவு செய்யப்பட்ட 500 பாடசாலைகளின் கணிதப் பாடக் கற்றலை விருத்தி செய்யும் வகையில், விசேட வேலைத்திட்டத்தை நடைமுறைப்படுத்த கல்வி அமைச்சு தீர்மானித்துள்ளது.
இதற்கமைய, தரம் 1 தொடக்கம் 11 வரையான மாணவர்களின் கணிதப்பாட செயற்றிறன் மட்டத்தை அதிகரிக்கவும் 1-5 மற்றும் 6-11 வரையாக வகுப்புகளுக்கு கணிதப் பாடம் கற்பிக்கும் ஆசிரியர்களின் திறனை விருத்தி செய்யும் நோக்கிலும் குறித்த இந்த வேலைத்திட்டத்தை, முன்னெடுக்க கல்வி அமைச்சு தீர்மானித்துள்ளது.