வாட்ஸ்ஆப் குரூப் மூலம் பல நன்மைகள் இருந்தாலும் தொடர்ந்து மெசேஜ்கள் வந்துக்கொண்டே இருப்பதால் சிலர் கடுப்பாவதும் உண்டு. இதற்கு தீர்வு காணும் வகையில் வாட்ஸ்ஆப்பில் புதிய வசதி ஒன்று வரயிருக்கிறது.
வாட்ஸ்ஆப் குறித்து தகவல்கள் கூறிவரும் WABetainfo இதுகுறித்து தெரிவித்திருப்பதன்படி இனி வாட்ஸ்ஆப் குரூப்பில் ஒருவரை இணைக்க அவர் விருப்பம் தெரிவிக்க வேண்டுமாம். ஒருவர் குரூப் அட்மினாக இருந்தால் கூட ஒருவரை குரூப்பில் சேர்க்க வேண்டும் என்றால் விருப்பம் இருந்தால் மட்டுமே சேர்க்க முடியும்.
இந்த வசதி WhatsApp Settings > Account > Privacy > Groups என்ற பகுதியில் கொடுக்கப்படும். இதில் Everyone, My Contacts, Nobody என்ற மூன்று தேர்வுகள் கொடுக்கப்பட்டுள்ளன.
இதன் மூலமாக ஒரு குரூப்பில் இணைப்பதற்கு யாரெல்லாம் அழைப்பை விடுக்க முடியும் என்பதைத் தேர்வு செய்துகொள்ளலாம். அழைப்பை ஏற்காவிட்டால் 72 மணி நேரங்களில் அழைப்பானது தானாகவே காலாவதியாகிவிடும். இந்த வசதி தற்போது ஐஓஎஸ் பீட்டா வேர்ஷனுக்கு உள்ளது. அதன் பின்னர் ஆண்ட்ராய்டு பதிப்புக்கும் இந்த வசதி தரப்படும் என எதிர்பார்க்கப்படுகிறது.
மேலும் இதேபோல கடந்த வாரங்களில் டார்க் மோட், பிங்கர் பிரிண்ட் என பல அப்டேட்களை வாட்ஸ்ஆப் தொடங்கி உள்ளது.