வெள்ளத்தில் மூழ்கியது நுவரெலியா

நுவரெலியாவில் நிலவும் சீரற்ற கால­நிலை கார­ணமாக தொடர்ச்­சி­யாக பிற்பகல் வேளைகளில் கன மழை பெய்து வரு­கி­றது.

இன்றும் (28) பெய்த பலத்த மழையால் பெரும் வெள்­ளப்­பெ­ருக்கு ஏற்­பட்­டுள்­ள­து. இதனால், பொதுமக்கள் பல்வேறு பாதிப்புகளை எதிர்நோக்கியுள்ளனர்.

தொடர்ந்து பெய்து வரும் அடை­மழை கார­ண­மாக நுவரெலியாவில் அதிகமான தாழ்­நிலப் பகு­திகள் முற்­றாக மூழ்­கி­யுள்­ளன.

சில பிர­தான வீதிகளில் மழை நீர் நிரம்­பி­யுள்­ள­துடன், நுவரெலியா – பதுளை பிரதான வீதியில் சிபெட்கோ எரிபொருள் நிலையத்துக்கு முன்பகுதி வெள்ளத்தில் மூழ்கியுள்ளது. இதனால் அவ்வீதியில் சில மணித்தியாலங்களாக போக்­கு­வ­ரத்து முற்­றாக பாதிக்கப்­பட்­டது.

இதே­வேளை நுவரெலியா – உடப்புசல்லாவ மற்றும் நுவரெலியா – ஹட்டன் பிர­தான வீதி­களிலும் போக்­கு­வ­ரத்து முழுவதுமாக பாதிக்­கப்­பட்­டது.

மேலும், நானுஓயா பொலிஸ் பிரிவுக்குட்பட்ட டெஸ்போட், கிளாரண்டன், கிரிமிட்டி ஆகிய பகுதிகளில் தொடர்ந்து பெய்த மழையினால் பிரதான வீதிகளையும் அதிக குடியிருப்பு பகுதிகளையும் வெள்ளம் சூழ்ந்துள்ளது.

குறிப்பாக, அதிக மழைவீழ்ச்சி கார­ண­மாக நுவரெலியா மாவட்டத்தில் மரக்கறி தோட்டங்களில் வெள்ளம் பாய்ந்தோடியதால் பெருமளவு சேதம் ஏற்பட்டுள்ளது. குறிப்பாக, நுவரெலியா – கந்தப்பளை பகுதிகளில் மரக்கறி தோட்டங்கள் நீரில் மூழ்கியுள்ளன.

மேலும், நுவரெலியா நகரில் வர்த்தக நிலையங்களில் வெள்ள நீர் புகுந்ததால் வியாபாரமும் பாதிக்கப்பட்டுள்ளது.

அத்தோடு, தோட்டங்களை அண்டிய வீடுகளுக்கும் வெள்ள நீர் புகுந்துள்ளதுடன் பல்வேறு பகுதிகளில் வெள்ளப்பெருக்குடன் பாரிய மண்சரிவுகளும் ஏற்பட்டுள்ளது.